Президентимиз Шавкат Мирзиёев топшириғига мувофиқ, Ўзбекистон Республикаси Соғлиқни сақлаш вазирлиги, Молия вазирлиги ва Меҳнат вазирлиги қарори билан “Қишлоқ оилавий поликлиникалари ва қишлоқ врачлик пунктлари патронаж ҳамшираларининг йўл ҳақи компенсациясини белгилаш ва тўлаб бериш тартиби тўғрисида Низом” тасдиқланди.
Қарорга кўра, 2017 йилнинг 1 июлидан эътиборан қишлоқ жойларда оилаларга бориб тиббий патронажни ташкил қилувчи қишлоқ оилавий поликлиникалари ва қишлоқ врачлик пунктларининг патронаж ҳамшираларига компенсация тайинланади, дея хабар беради Соғлиқни сақлаш вазирлиги Ахборот хизмати.
Компенсацияни белгилаш тартиби қандай?
Қишлоқ оилавий поликлиникалари ва қишлоқ врачлик пунктларининг патронаж ҳамшираларига компенсация иш вақти ойлик меъёрининг ҳақиқатда ишланган иш кунидан келиб чиқиб тайинланади. Бунда патронаж ҳамширага бириктирилган аҳоли яшаш жойигача бўлган масофа асос сифатида олинади. Яъни, ҳамшира қатновни амалга оширадиган аҳоли хонадонлари жойлашуви 10 километр ва ундан кўп бўлганда энг кам ойлик иш ҳақининг 100 фоизи миқдорида патронаж ҳамширага йўл ҳақи компенсацияси тўланади.
Қарорда ҳар бир патронаж ҳамшира учун компенсациянинг умумий миқдори энг кам ойлик иш ҳақининг 100 фоизидан ошмаслиги белгилаб қўйилган.
Аҳоли яшаш жойигача бўлган масофа туман тиббиёт бирлашмасининг тегишли буйруғида кўрсатилиши лозим. Яъни, буйруқ билан қишлоқ оилавий поликлиникалари ва қишлоқ врачлик пунктлари патронаж ҳамшираларига бириктирилган аҳоли пунктининг номи ва аҳоли сони, шунингдек, унинг иш жойидан бириктирилган аҳоли пунктигача оралиқ масофа кўрсатилган рўйхат тасдиқланади.
Эътиборли томони, компенсация маблағлари туман тиббиёт бирлашмаларининг йиллик харажатлар сметасида шу мақсадда кўзда тутилган Давлат бюджети маблағлари ҳисобидан амалга оширилиши белгиланган.
Компенсация пули патронаж ҳамшираларнинг эгаллаб турган иш ставкасига мос равишда тўланади. Мазкур маблағ ҳамширанинг йўл ҳақи компенсацияси бўлгани боис, меҳнат таътили ёки вақтинчалик меҳнатга лаёқатсизлик даврида тўланмайди.
Ҳамширалар компенсация маблағини алоҳида тўлов қайдномаси бўйича туман тиббиёт бирлашмаси бухгалтерияси орқали олишади.
Яна бир жиҳати шундаки, ушбу Низомда белгиланган компенсация маблағи ҳамшираларнинг даромади сифатида қаралмайди ва жисмоний шахслардан олинадиган даромад солиғи, ягона ижтимоий тўлов ва фуқаролар суғурта бадаллари солинмайди.
Компенсациянинг тўғри тайинланиши ва тўланиши ҳам назоратга олинган. Бу вазифа Ўзбекистон Республикаси Молия вазирлиги Назорат-тафтиш бош бошқармаси ва унинг ҳудудий бошқармалари томонидан амалга оширилади. Патронаж ҳамшираларга компенсация маблағларини тўлаш тартиби бузилса, айбдор шахслар қонун ҳужжатларига мувофиқ жавобгар бўлади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ғазо аҳолиси ҲАМАСнинг тинчликка эришиш йўлидаги қарорини нишонлаш учун кўчаларга чиқди
Россияда америкалик аскар ўғриликда айбланиб қўлга олинди
Освенцимда минглаб яҳудийлар «Тириклар марши» акциясини ўтказди
Аёллар эркакларга қараганда узоқроқ яшашади, лекин...
АПЛ. “Ливерпуль” 6 та гол урилган ўйинда “Тоттенҳэм”ни мағлуб этди
Россиялик хакер учун 10 миллион доллар ваъда қилинди
Трамп Украинадаги можарога барҳам бериш учун “махфий” режа ишлаб чиқди
Илёс Зейтуллаев: "Ҳозир камроқ гапириб, кўпроқ ишлашимиз керак"