Фото: Getty Images
Хитойнинг TikTok Inc ва ByteDance Ltd компаниялари АҚШ ҳукумати устидан Колумбия округи апелляция судига даъво аризаси берди.
Апрел ойида АҚШ президенти Жо Байден TikTok платформасининг хитойлик эгаси бўлмиш ByteDance компаниясига уни маҳаллий компанияларга 9 ой ичида сотиш мажбуриятини юкловчи, акс ҳолда ижтимоий тармоқ АҚШ ҳудудида тақиқланиши мумкинлиги ҳақидаги қонунни имзолаган эди. Расмийлар буни америкаликларнинг шахсий маълумотларини хорижий давлатлардан ҳимоя қилиш бўйича чора сифатида изоҳлади. АҚШ хавотирига кўра, ByteDance Хитой расмийлари билан ҳамкорлик қилади ва америкаликларнинг маълумотларини ноқонуний тарзда узатиши мумкин.
ByteDance компанияси TikTok платформасини сотишдан бош тортди ва судга мурожаат қилишини таъкидлади.
TikTok суддан ушбу қонунни АҚШ Конституциясига зид деб топишни сўрамоқда. Даъвогарларнинг таъкидлашича, қонун лойиҳаси АҚШ Конституциясига киритилган «биринчи тузатиш»га зид, у бошқа нарсалар қаторида сўз эркинлигини кафолатлайди. TikTok маълумотларига кўра, 170 миллионга яқин одам фойдаланадиган мамлакатда платформани тақиқлаш Америка фуқароларининг эркин мулоқот қилиш ва фикр алмашиш ҳуқуқларини бузади, бу эса АҚШ Конституциясига зиддир. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Орзудаги уй — қишда иссиқ, ёзда салқин. Бунга қандай эришиш мумкин?
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
Украина президенти маҳбусларни сафарбар қилиш тўғрисидаги қонунни имзолади
Пневматик қуролларни ўз ихтиёри билан топширганлар жавобгарликдан озод этилади
Ўзбекистонликлар доимий яшаш учун кўпроқ қайси давлатларга кўчиб кетмоқда?
Шимолий Корея янги кўрсаткичларга эга баллистик ракетани синовдан ўтказди
Мессининг салкам 1 миллион долларга сотилган салфеткаси ҳақида
Эрон президентини олиб кетаётган вертолёт ҳалокатга учради