Чеченистон раҳбари Рамзан Қодиров Бишкек шаҳрида бўлиб ўтган жанговар самбо бўйича жаҳон чемпионатида олтин медални қўлга киритган россиялик спортчи Шайх-Мансур Хабибулаевнинг иштирокига муносабат билдирди. 64 килограммгача вазн тоифасидаги финал баҳсида Хабибулаев ўзбекистонлик спортчи Ойбек Солиевни ишонч билан мағлубиятга учратиб, етти карра жаҳон чемпиони бўлди.
"Бизнинг ака-укамиз Шайх-Мансур яна бир бор Чеченистоннинг самбо мактаби дунёдаги кучлилардан бири эканини исботлади. Унинг ютуғи нафақат Чеченистон Республикаси, балки бутун Россия учун фахрдир", — деб ёзди Қодиров ўзининг Telegram-каналида.
Шунингдек, Қодиров спортчининг мураббийлар штабига ўз миннатдорчилигини билдирди ва ўзбекистонлик курашчининг юқори даражадаги тайёргарлигини эътироф этди.
"Чемпионимизни ушбу улкан муваффақияти билан табриклайман. Барака ва куч-қувват тилайман!", — дея қўшимча қилди у.
“Zamin”ни Telegram'да ўқинг!
