Италия терма жамоасининг собиқ футболчиси ва Милан сафида ҳам ўйнаган Алессандро Флоренси Рома ва Милан ўртасидаги учрашувдан кейин фикрлари билан ўртоқлашди. Бу ҳақда euro-football.ru хабар беради.
Флоренсининг айтишича, баҳснинг биринчи бўлимида Рома жуда кучли босим ўтказган, бироқ ҳисобни очолмаган. У бунинг асосий сабабларидан бири сифатида Милан дарвозабони Майк Меняннинг аъло ўйинини таъкидлади. Иккинчи бўлимда эса Милан учун кўп имконият керак бўлмагани ва жамоа ўз услубида гол топа олганини қайд этди.
Скудетто пойгаси ҳақида гапирар экан, Флоренси чемпионлик масаласи деярли аниқ бўлиб қолганини, энди эса асосан иккинчи ўрин учун кураш ҳақида сўз юритиш мумкинлигини билдирди.
Эслатиб ўтамиз, А Серия турнир жадвалида Интер Милан клубини 5 очкога ортда қолдириб бормоқда.
“Zamin”ни Telegram'да ўқинг!
