«Анталяспор» ҳимоячиси Георгий Джикия атрофидаги гап-сўзларга унинг агенти Владимир Кузмичёв муносабат билдирди. Вакили айтганича, россиялик футболчининг ҳолати жойида ва клуб ундан жиддий умид қилмоқда. Бу ҳақда euro-football.ru хабар беради.
Кузмичёвга кўра, Джикия сўнгги учрашувларда майдонга тушмаганига сабаб — кичик жароҳат бўлган. Ҳозир у тикланиб улгурган ва агент фикрича, навбатдаги баҳсда яна ўйнаши кутилмоқда.
Аввалроқ ОАВда турк клуби «Спартак»нинг собиқ сардори билан хайрлашмоқчи экани ҳақида хабарлар тарқалган эди.
Жорий мавсум Туркия чемпионатида Джикия 12 та ўйинда қатнашиб, 2 бор рақиб дарвозасини ишғол қилди. Футболчининг «Анталяспор» билан шартномаси 2027 йил ўрталаригача амал қилади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
