Жиноий ишни яширишга уринган инспектор қўлга олинди
Тошкент вилоятининг Чирчиқ шаҳрида профилактика инспектори жиноий ишни яширишга урингани учун қўлга олинди. У 1994 йилда туғилган шахсга етказилган тан жароҳати бўйича ишни "босди-босди" қилиш эвазига 2700 АҚШ доллари талаб қилган. Инспектор жабрланувчига 1000 доллар берган ва яна 300 доллар беришга уринганида, ҳуқуқ-тартибот ходимлари томонидан қўлга олинган. Ҳозирда унга нисбатан жиноят иши қўзғатилиб, тергов ҳаракатлари давом этмоқда.
Тошкент вилоятининг Чирчиқ шаҳрида жиноий ишни яширишга уринган профилактика инспектори қўлга олинди. Бу ҳақда Давлат хавфсизлик хизмати хабар берди.
Маълумотларга кўра, инспектор фуқаро И.Саидов бошчилигидаги гуруҳ томонидан 1994 йилда туғилган шахсга етказилган тан жароҳати бўйича ишни “босди-босди” қилиш эвазига пора олган.
Тергов материалларида қайд этилишича, у келишув эвазига 2700 АҚШ доллари талаб қилган ва олган маблағнинг 1000 долларини жабрланувчига берган. Кейинчалик эса жараённи яшириш мақсадида жабрланувчига яна 300 доллар беришга уринган.
Айнан шу вақт давомида ўтказилган тезкор тадбирда ҳуқуқ-тартибот ходимлари инспекторни ашёвий далиллар билан қўлга олишган.
Ҳозирда унга нисбатан жиноят иши қўзғатилиб, тергов ҳаракатлари давом этмоқда. Шунингдек, ушбу ноқонуний ҳаракатларга алоқадор бўлган бошқа ходимлар ҳам текширувга жалб қилиниши мумкинлиги айтилмоқда.
Изоҳлар 0
…