Нафтали Беннетт Исроил ички сиёсий ва ижтимоий тизимида жиддий муаммолар кучайиб бораётганини таъкидлади. Унинг сўзларига кўра, мамлакат барқарорлиги тобора заифлашиб, айрим йўналишларда “парчаланиш” хавфи юзага келмоқда.
Собиқ бош вазирнинг айтишича, Исроил айрим ҳудудларни назоратга олади, бироқ уларни ушлаб туриш учун етарли ресурс ва куч етишмайди. Натижада эса ушбу ҳудудларни яна тарк этишга тўғри келмоқда.
Беннетт, шунингдек, жамият ичидаги тенгсизлик масаласига ҳам тўхталиб ўтган. Унинг фикрича, қарийб 100 мингга яқин ёш ва соғлом ультра-ортодоксал аҳоли ҳарбий хизматдан озод қилинган бўлиб, бу эса ижтимоий адолатсизликни кучайтирмоқда.
Унинг таъкидлашича, давлат томонидан ушбу гуруҳга катта миқдорда молиявий ёрдам ажратилаётгани ҳам жамиятда норозилик ва кескинликни оширмоқда.
Беннетт бу ҳолатларни Исроил ички тизимидаги мувозанат бузилиши сифатида баҳолаб, агар ислоҳотлар амалга оширилмаса, вазият янада мураккаблашиши мумкинлигини урғулаган.
“Zamin”ни Telegram'да ўқинг!
