Huawei Пура Х Max ва iPhone Fold макети ёнма-йон намойиш этилди

Тармоқда янги Huawei Пура Х Max смартфони ва кутилаётган iPhone Fold макетини таққословчи видео тарқалди. Бу ҳақда Ixbt.com хабар беради.

Иккала қурилма ҳам орқа панелда йирик горизонтал камера блокига эга. iPhone Fold макетида модулнинг икки томонида жойлашган иккита камера ва чақноқ кўрсатилган.

Huawei Пура Х Max эса симметрик жойлашган учта камерага эга.

Ўлчамлар таққосланганда, Huawei қурилмаси бироз каттароқ кўринади ва очиқ ҳолатда кенгроқ экран майдонини таклиф қилиши мумкин. Бироқ, бу фақат iPhone Fold прототипи бўлиб, якуний хусусиятлар релизгача ўзгариши эҳтимоли бор.

iPhone Fold экранининг диагонали тахминан 7,7 дюймни ташкил этиши кутилмоқда. Смартфон TSMC компаниясининг 2 нанометрли технологияси асосида яратилган A20 Pro чипи билан жиҳозланади.

У 12 GB тезкор хотирага эга бўлади.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг