«Анталяспор» ҳимоячиси Георгий Джикиянинг агенти Владимир Кузмичёв россиялик футболчининг клубдаги келажаги борасидаги гап-сўзларга муносабат билдирди. Бу ҳақда euro-football.ru хабар беради.
Агентнинг айтишича, Джикия билан ҳаммаси жойида ва жамоа мураббийлар штаби унга таянамоқда. Сўнгги учрашувларда майдонга тушмагани эса микрожароҳат билан боғлиқ бўлган, ҳозир эса футболчи тўлиқ тикланган.
«У тикланиб олди. Ўйлайманки, кейинги ўйинда майдонга тушади», — дея агент сўзларини «Чемпионат» нашри келтирди.
Аввалроқ ОАВда турк клуби «Спартак»нинг собиқ сардори билан хайрлашмоқчи экани ҳақида хабарлар тарқалган эди.
Джикиянинг Туркия чемпионатидаги жорий мавсум кўрсаткичлари 12 ўйин ва 2 голни ташкил этади. Унинг «Анталяспор» билан шартномаси 2027 йилнинг ўрталаргача амал қилади.
“Zamin”ни Telegram'да ўқинг!
