Германия Бундеслигасининг 19-турида «Санкт-Паули» ўз майдонида «РБ Лейпциг»ни қабул қилди ва учрашув 1:1 ҳисобида якунланди. Бу ҳақда euro-football.ru хабар беради.
Ўйиннинг 8-дақиқасидаёқ Хавер Шлагер жамоасини олдинга олиб чиқиши мумкин эди, бироқ унинг зарбаси устунга тегиб қайтди. Мезбонлар ҳам вазиятлар яратди: Рики-Жейд Жонс жарима майдонида бўш қолган ҳолда дарвозани нишонга ололмади, бундан ташқари у офсайдда ҳам турган эди. Биринчи бўлим охирида Ян Диоманд жарима майдонига узатма берди, Антонио Нусанинг зарбасини эса дарвозабон қайтарди.
66-дақиқада «РБ Лейпциг» бурчак тўпидан кейинги ҳужумни давом эттирди ва Диоманд рикошет ёрдамида тўпни дарвозага киритиб, меҳмонларни ҳисобда олдинга олиб чиқди — 0:1. Якуний дақиқаларда эса вазият ўзгарди: қўшиб берилган вақтда Давид Раум жарима майдонида Мартейн Карсга қарши қоида бузди ва ҳакам пенальти белгилади. 11 метрлик зарбани Карс аниқ ижро этди — 1:1.
Дурангдан сўнг «буқалар» турнир жадвалида 4-ўринга кўтарилди, «Санкт-Паули» эса пастдан иккинчи поғонада қолмоқда.
“Zamin”ни Telegram'да ўқинг!
