Россияда космик дизайнли Чанган Уни-Т кроссовери йиғилади
Россиянинг Калининград шаҳридаги "Автотор" заводи Чанган брендининг Уни-Т кроссоверини йиғиш учун рухсатнома олди. Ушбу кроссовер 2027 йилгача ишлаб чиқарилади ва Хитойдан импорт қилинадиган модел билан тўлиқ бир хил бўлади. Автомобил 1,5 литрли бензинли турбо двигатель билан жиҳозланган бўлиб, Евро-5 экологик стандартига жавоб беради. Россиядаги нархлар ҳозирча аниқланмаган, аммо Хитойдаги нархлари 2,24 миллиондан 3,46 миллион рублгача бўлган.
Россиянинг Калининград шаҳридаги "Автотор" заводи Чанган брендининг Уни-Т кроссоверини йиғиш учун рухсатнома олди. Ушбу ҳужжат 2027 йилнинг апрелига қадар амал қилади. Бу ҳақда Ixbt.com хабар беради.
Россияда ишлаб чиқариладиган версия Хитойдан импорт қилинадиган модель билан тўлиқ бир хил бўлади. Автомобилнинг узунлиги 4515 мм, ғилдираклар базаси эса 2710 мм ни ташкил этади.
Кроссовер капоти остида 167 от кучига эга 1,5 литрли бензинли турбо двигатель ўрнатилган. Двигатель Евро-5 экологик стандартига жавоб беради ва 92-маркали бензинга мўлжалланган.
У 7 поғонали робот узатмалар қутиси билан бирга ишлайди.
Маҳаллийлаштирилган версиянинг базавий тўпламига хавфсизлик ёстиқчалари, автоматик иқлим назорати ва шиналар босимини назорат қилиш тизими киради. Қўшимча опциялар қаторида том қисмидаги люк ҳамда иситиладиган кўзгулар мавжуд.
Ҳозирча Россияда йиғилган автомобиллар нархга қандай таъсир қилиши номаълум. Айни пайтда Хитойда ишлаб чиқарилган Чанган Уни-Т Россияда 2,24 миллиондан 3,46 миллион рублгача бўлган нархларда сотилмоқда.
Изоҳлар 0
…