Meta компанияси гуманоид робототехника соҳасидаги Ассуред Робот Интеллигенcе (ARI) стартапини сотиб олганини эълон қилди. Келишув суммаси очиқланмаган. Бу ҳақда Techcrunch.com хабар беради.
Компания вакилининг таъкидлашича, ARI роботларга мураккаб ва динамик муҳитда инсон хатти-ҳаракатларини тушуниш, башорат қилиш ва уларга мослашиш имконини берувчи технологияларни ишлаб чиқади.
ARI жамоаси, жумладан унинг асосчилари, Meta компаниясининг Суперинтеллигенcе Лабс тадқиқот бўлимига қўшилади. Стартап илгари сунъий интеллект лойиҳаларига сармоя киритувчи Аих Вентурес фонди томонидан молиялаштирилган эди.
ARI уй ишлари каби жисмоний меҳнатни бажаришга қодир гуманоид роботлар учун асосий моделларни яратиш устида иш олиб борган. Стартап асосчиларидан бири Хиаолонг Wанг аввал Nvidia компаниясида тадқиқотчи ва UC Сан Диего университетида дотсент бўлиб ишлаган.
Яна бир асосчи Леррел Пинто NYU университетида дарс берган ва ўтган ой Amazon томонидан сотиб олинган Фауна Роботиcс стартапига асос солган. Иккала мутахассис ҳам нуфузли мукофотлар соҳиби ҳисобланади.
Meta тадқиқотчилари йиллар давомида гуманоид робототехника технологиялари устида ишламоқда. Ўтган йили тарқалган маълумотларга кўра, компания истеъмолчиларга мўлжалланган роботлар, жумладан AI моделлари ва аппарат таъминотини яратишни режалаштирган.
Кўплаб сунъий интеллект экспертларининг фикрича, сунъий умумий интеллектга (AGI) эришиш учун AI моделларини жисмоний дунёда ўқитиш талаб этилади. Бунда роботлар фақат маълумотлар орқали эмас, балки бевосита ўзаро таъсир орқали ўрганади.
“Zamin”ни Telegram'да ўқинг!
