SpaceX компанияси Старшип ракетасини яратиш учун қанча маблағ сарфлагани маълум бўлди

SpaceX компанияси Старшип космик кемасини ишлаб чиқиш учун 15 миллиард доллардан ортиқ маблағ сарфлади. Бу ҳақда Reuters агентлиги ўрганиб чиққан IPO ҳужжатларида қайд этилган. Бу ҳақда Ixbt.com хабар беради.

Таққослаш учун, Фалcон 9 ракетасини яратиш харажатлари қарийб 400 миллион долларни ташкил этган. Старшип ҳозирда SpaceX учун энг қиммат ва стратегик жиҳатдан муҳим лойиҳа ҳисобланади.

Старшип икки босқичли ўта оғир ракета бўлиб, у Starlink V3 сунъий йўлдошларини орбитага олиб чиқиш, шунингдек, Ой ва Марсга одамларни парвоз қилдириш учун мўлжалланган.

2025 йилда компания космик сегментдаги илмий-тадқиқот ишлари учун 3 миллиард доллар сарфлаган ва бу маблағнинг барчаси Старшип лойиҳасига йўналтирилган.

Ҳозирда SpaceX октябрь ойидаги танаффусдан сўнг Старшип ракетасининг навбатдаги парвозига тайёргарлик кўрмоқда. Бу сафар V3 версияси синовдан ўтказилиши режалаштирилган.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг