Intel ва AMD компаниялари x86 архитектурасини янгилаш устида ишламоқда. Улар APX (Адванcед Перформанcе Эхтенсионс) кенгайтмасини жорий этишни режалаштирган. Бу ҳақда Ixbt.com хабар беради.
Бу платформани тубдан ўзгартирмасдан процессорлар унумдорлигини оширишга қаратилган.
APX кенгайтмасининг асосий янгилиги 64 битли режимда умумий мақсадли регистрлар сонини 16 тадан 32 тага кўпайтириш ҳисобланади. Регистрлар процессор ичидаги энг тезкор маълумотларни сақлаш даражаси бўлиб, уларнинг кенгайиши хотирага мурожаатларни камайтиради.
Шунингдек, APX янги турдаги кўрсатмаларни, жумладан, дастлабки маълумотларни сақлаб қолувчи операцияларни ўз ичига олади. Бу ортиқча нусхалашни камайтиради ва кодни оптималлаштиришни осонлаштиради.
Дастурчиларнинг ҳисоб-китобларига кўра, APX юклаш операцияларини 10 фоизга, сақлаш операцияларини эса 20 фоизгача камайтиради. Бу нафақат унумдорликни оширади, балки энергия сарфини ҳам пасайтиради.
Янги кенгайтманинг муҳим афзаллиги унинг олдинги дастурлар билан мос ишлашидир. Ҳозирги дастурий таъминотлар ўзгаришсиз ишлашда давом этади.
Ҳозирча APX фақат лойиҳалаш ва симуляция босқичида турибди.
“Zamin”ни Telegram'да ўқинг!
