Германия Бундеслигасининг 19-турида «Санкт-Паули» ўз майдонида «РБ Лейпциг»ни қабул қилди ва учрашув 1:1 ҳисобида якунланди. Бу ҳақда euro-football.ru хабар беради.
Меҳмонлар баҳс бошидаёқ ҳисобни очишга яқин келишди: 8-дақиқада Ксавер Шлагернинг зарбаси устунга тегиб қайтди. «Санкт-Паули» ҳам жавобсиз қолмади — Рики-Джеид Джонз жарима майдонида назорациз қолган вазиятдан фойдалана олмади, қолаверса, эпизодда офсайд ҳам бор эди. Биринчи бўлим охирларида Ян Диоманднинг узатмасидан сўнг Антонио Нусанинг зарбасини дарвозабон қайтарди.
66-дақиқада «РБ Лейпциг»нинг бурчакдан узатмаси самара бермади, бироқ ҳужум давом этди ва Диоманд рикошет ёрдамида тўпни дарвозага жойлади — 0:1. Учрашувга қўшиб берилган дақиқаларда эса Давид Раум жарима майдонида Мартейн Карсга нисбатан қоидани бузди ва ҳакам пенальти белгилади. 11 метрлик зарбани айнан Карс голга айлантирди — 1:1.
Ушбу дурангдан сўнг «Буқалар» турнир жадвалида 4-ўринга кўтарилди, «Санкт-Паули» эса пастки қисмда — охиридан иккинчи поғонада қолмоқда.
“Zamin”ни Telegram'да ўқинг!
