Туриннинг «Ювентус» клуби ва Франция терма жамоасининг собиқ ҳужумчиси Давид Трезеге Аргентинага қайтди. У аввалроқ Буэнос-Айресдаги «Ривер Плейт» сафида ҳам тўп суриб, ҳатто мамлакатнинг иккинчи лигасида чемпионликни қўлга киритган эди. Бу ҳақда euro-football.ru хабар беради.
Эндиликда Трезеге «Ривер Плейт»га футболчи сифатида эмас, балки клуб бошқарув тизимида фаолият юритиш учун қайтмоқда. Унинг вазифалари аниқ очиқланмаган бўлса-да, клуб уни бутун раҳбарият иштирокида махсус тақдимот орқали жамоатчиликка таништирди.
Маълумотларга кўра, француз мутахассис стратегик йўналишлар билан шуғулланади ва «Ривер Плейт»ни институционал даражада вакиллик қилади. Эслатиб ўтамиз, Трезеге 2015 йилда профессионал фаолиятини якунлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
