Россия терма жамоасининг собиқ ҳужумчиси Дмитрий Булыкин чоршанба оқшомида сафарда “Ливерпул”га қарши ўйнайдиган “Қарабах”нинг ғалаба қозониш имкониятларини жуда паст баҳолади. Бу ҳақда euro-football.ru хабар беради.
Булыкин фикрича, Англияда ўйнаш озарбайжон клуби учун ниҳоятда оғир кечади: у “Қарабах”ни мағлубият кутаётганини, энг яхши ҳолатда ҳисоб йирик бўлмаслигини таъкидлади.
Эслатиб ўтамиз, “Ливерпул” ва “Қарабах” 28-январ куни “Энфилд” стадионида УЕФА Чемпионлар лигасининг 8-тури доирасида ўзаро тўқнаш келади. Умумий босқич жадвалида “Ливерпул” 15 очко билан тўртинчи ўринда бормоқда, бироқ илк саккизликдан чиқиб кетиш хавфи ҳам сақланиб турибди. “Қарабах” эса 10 очко билан 18-ўринда ва умумий босқичнинг энг яхши 24 жамоаси қаторидан ташқарида қолиб кетиши мумкин.
“Zamin”ни Telegram'да ўқинг!
