Rossiya terma jamoasining sobiq hujumchisi Dmitriy Bulykin chorshanba oqshomida safarda "Liverpul"ga qarshi o'ynaydigan "Karabax"ning g'alaba qozonish imkoniyatlarini juda past baholadi. Bu haqda euro-football.ru xabar beradi.
Bulykin fikricha, Angliyada o'ynash ozarbayjon klubi uchun nihoyatda og'ir kechadi: u "Karabax"ni mag'lubiyat kutayotganini, eng yaxshi holatda hisob yirik bo'lmasligini ta'kidladi.
Eslatib o'tamiz, "Liverpul" va "Karabax" 28-yanvar kuni "Enfild" stadionida UEFA Chempionlar ligasining 8-turi doirasida o'zaro to'qnash keladi. Umumiy bosqich jadvalida "Liverpul" 15 ochko bilan to'rtinchi o'rinda bormoqda, biroq ilk sakkizlikdan chiqib ketish xavfi ham saqlanib turibdi. "Karabax" esa 10 ochko bilan 18-o'rinda va umumiy bosqichning eng yaxshi 24 jamoasi qatoridan tashqarida qolib ketishi mumkin.
“Zamin”ni Telegramʻda oʻqing!
