Ўзбекистонда аҳолини ижтимоий қўллаб-қувватлаш доирасида амалга оширилаётган кешбэк дастури натижалари эълон қилинди. Солиқ қўмитаси маълумотига кўра, 2026 йилнинг биринчи чорагида кам таъминланган оилаларга катта миқдорда маблағ қайтарилган.
Хусусан, январь–март ойлари давомида 621,6 минг нафар фуқарога жами 161,5 миллиард сўмга яқин ижтимоий кешбэк тўлаб берилган. Фақат март ойининг ўзида қайтарилган маблағ ҳажми 65 миллиард сўмдан ошгани қайд этилди.
Қайси ҳудудлар етакчи?
Энг кўп кешбэк қуйидаги ҳудудларда тўланган:
- Андижон вилояти — 94,7 млрд сўм
- Самарқанд вилояти — 12,5 млрд сўм
- Тошкент — 11,5 млрд сўм
Кешбэк қандай ишлайди?
Маълумки, Ижтимоий ҳимоя ягона реестрида рўйхатдан ўтган, яъни кам таъминланган деб топилган фуқаролар учун алоҳида имтиёз жорий этилган.
Унга кўра, улар 2023 йил 1 майдан бошлаб дўконлардан айрим маҳсулотларни харид қилганда:
- одатий 1% эмас,
- балки 12% қўшилган қиймат солиғи (ҚҚС) миқдорида кешбэк олади.
Қандай олиш мумкин?
Кешбэкдан фойдаланиш тартиби жуда оддий:
- хариддан сўнг чекдаги QR-кодни Soliq иловаси орқали сканер қилиш керак;
- маълум муддатдан сўнг маблағ автоматик равишда қайтарилади.
Қайд этилишича, март ойига тегишли чеклар бўйича тўловлар апрель ойининг 25 санасидан кейин тасдиқланган.
“Zamin”ни Telegram'да ўқинг!
