"Реал Мадрид" бразилиялик ёш иқтидор эгаси Эндрик бўйича якуний қарорга келди. Клуб футболчини бошқа ижарага бермасликни ва уни сотмасликни режалаштирмоқда. Бу ҳақда Goal.com хабар беради.
"Лион"даги муваффақиятли ярим йиллик ижарадан сўнг, у ёзда Мадридга қайтади.
Эндрик жамоанинг асосий таркибида муҳим рол ўйнаши кутилмоқда. У Килиан Мбаппе ва Винисиус Жуниор билан бирга ҳужум чизиғида ҳаракат қилиши мумкин.
Шунингдек, у Мбаппе учун асосий ўринбосар вазифасини ҳам бажаради.
Франциядаги фаолияти давомида Эндрик 17 та ўйинда 7 та гол ва 6 та голли узатмани амалга оширди. Бу натижалар унинг юқори даражадаги Европа футболига тайёр эканлигини кўрсатди.
Энди у Родриго, Браҳим Диас ва Франко Мастантуоно каби футболчилар билан рақобатлашади.
Мадрид клуби Эндрик учун жами 90 млн доллар атрофида маблағ сарфлаган. Ушбу суммага трансфер пули, маош ва турли комиссиялар киради.
Ёш ҳужумчи тез орада Бразилия терма жамоаси билан Жаҳон чемпионатида иштирок этиши кутилмоқда.
“Zamin”ни Telegram'да ўқинг!
