«Ювентус» Буффонни туғилган куни билан табриклади

Чоршанба куни италиялик афсонавий дарвозабон Жанлуижи Буффон туғилган кунини нишонламоқда. Италия терма жамоасининг собиқ футболчисига 48 ёш тўлди. Бу ҳақда euro-football.ru хабар беради.

Шу муносабат билан «Ювентус» матбуот хизмати Буффонга алоҳида мурожаат билан чиқди: «Оқ-қоралар» афсонаси, фаолияти ўзи ҳаммасини айтиб турибди. Туғилган кунингиз билан, Джиджи!».

Буффон «Ювентус» сафида 685 та расмий учрашувда майдонга тушиб, бу ўйинларда 539 та гол ўтказиб юборган.

У фаолияти давомида 10 бор Италия чемпиони бўлган. Шунингдек, 5 марта Италия кубогини ва 6 марта Италия суперкубогини қўлга киритган. 2006 йилда эса Буффон жаҳон чемпиони унвонини ҳам қўлга киритган.

Abror Tovmurodov

«ZAMIN.UZ» муҳаррири