Бундеслиганинг 21-турида «Кёльн» ўз майдонида «РБ Лейпциг»ни қабул қилди ва кескин баҳс 1:2 ҳисобида меҳмонлар фойдасига якунланди. Бу ҳақда euro-football.ru хабар беради.
Учрашувнинг илк дақиқаларида Саид эл-Мала хавфли вазият яратди, бироқ дарвозабон ишончли ўйнади. Орадан кўп ўтмай Давид Раум зарбаси ҳам посбонни ишга солди, ҳужум давомида Ромуло Круз тўпни устунга тегкизиб юборди. Қулай имкониятга эга бўлган Ксавер Шлагер эса жарима майдони ичида жуда ноаниқ тепди. 29-дақиқада «Кёльн» дарвозабони қўпол хатога йўл қўйди ва Кристоф Баумгартнер бош билан ҳисобни очди — 0:1.
Иккинчи тайм бошида Ян Тильманн фаолликни ошириб, ташаббусни ўз қўлига олди ва ҳисобни тенглаштирди — 1:1. Беш дақиқа ўтиб Шлагер ҳужумни кескинлаштирди, Баумгартнер эса яна бир бор аниқ якунлаб, «Лейпциг»ни яна олдинга олиб чиқди — 1:2. Якуб Каминскийда мувозанатни тиклаш учун имконият бўлди, аммо унинг зарбаси омадсиз чиқди.
Ушбу ғалабадан сўнг «РБ Лейпциг» «Штутгарт»ни ортда қолдириб, турнир жадвалида 4-ўринга кўтарилди. «Кёльн» эса 10-поғонада қолди.
“Zamin”ни Telegram'да ўқинг!
