Бундеслиганинг 21-турида «Кёльн» ўз майдонида «РБ Лейпциг»ни қабул қилди. Бу ҳақда euro-football.ru хабар беради.
Учрашув аввалидаёқ вазиятлар кетма-кет юзага келди: Саид эл-Мала илк хавфли эпизодда дарвозабонни ишга солди. Орадан кўп ўтмай Давид Раумнинг зарбаси ҳам посбонни ҳушёр торттирди, давом этган ҳужумда эса Ромуло Круз тўпни устунга тегкизиб юборди. Жарима майдони ичида Хавер Шлагерда ҳам қулай имконият бўлди, бироқ у нишонни аниқ топа олмади. 29-дақиқада «Кёльн» дарвозабони қўпол хатога йўл қўйди ва Кристоф Баумгартнер боши билан ҳисобни очди — 0:1.
Иккинчи бўлим бошида Ян Тилман ташаббусни қўлга олиб, ҳисобни тенглаштирди — 1:1. Беш дақиқадан сўнг Шлагер ҳужумни кескинлаштирди, Баумгартнер эса яна бир бор ўз сўзини айтиб, меҳмонларни яна олдинга олиб чиқди — 1:2. Якуб Каминскийда жавоб голи учун имконият бўлди, аммо унинг зарбаси муваффақиятсиз чиқди.
Ушбу ғалабадан сўнг «РБ Лейпциг» турнир жадвалида «Штутгарт»ни ортда қолдириб, тўртинчи поғонага кўтарилди. «Кёльн» эса 10-ўринда қолмоқда.
“Zamin”ни Telegram'да ўқинг!
