«Ал-Наср» бош мураббийи Жорже Жезуш Криштиану Роналду нега жамоанинг навбатдаги учрашувида майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчи тез орада майдонга қайтиши кутилаётган бўлса-да, ушбу ўйинда ҳам унинг иштироки бўлмайди.
Жезушнинг айтишича, зич тақвим сабаб Роналду ва асосий таркибдаги яна бир қатор футболчиларга дам бериш ҳақида қарор қабул қилинган. Мураббий буни олдинда турган «Ал-Фатех»га қарши муҳим учрашув билан изоҳлади.
Шунингдек, Жезуш Роналдунинг Саудия Арабистонидан ташқарида ўтказиладиган ўйинларда вақти-вақти билан қатнашмаслиги янгилик эмаслигини таъкидлади. «Al Nassr Zone» мураббийнинг сўзларини келтирди.
Саудия чемпионатидаги «Ал-Фатех» — «Ал-Наср» учрашуви шанба, 14-февраль куни бўлиб ўтади.
“Zamin”ни Telegram'да ўқинг!
