Таниқли экологик фаол Эрин Брокович янги миссияга қўл урди: у маълумотлар марказлари (дата сентер) қурилиши ва уларнинг яқин атрофдаги жамоаларга таъсири борасида шаффофликни оширишни мақсад қилган. Пасифик Гас & Электрик компаниясига қарши суд жараёни орқали машҳур бўлган ва Жулиа Робертс ижросидаги фильм орқали танилган Брокович яқинда АҚШ бўйлаб маълумотлар марказлари харитасини ўз ичига олган веб-сайтни ишга туширди. Бу ҳақда Techcrunch.com хабар беради.
Веб-сайтда ушбу харита "шаклланиш жараёнидаги лойиҳа" сифатида тавсифланган бўлиб, унга маҳаллий аҳоли вакиллари томонидан хабар қилинган маълумотлар марказлари киритилмоқда. Брокович ўзининг Субстакк постида апрель ойида маълумотлар марказлари билан боғлиқ муаммолар бўйича ҳисоботлар сўраганидан сўнг, биринчи ойнинг ўзида 4000 га яқин мурожаат келиб тушганини маълум қилди.
"Шовқин, сув сарфи ёки коммунал тўловларнинг ошишидан ҳам кўра кўпроқ учрайдиган энг асосий хавотир — бу шаффофлик масаласидир," — деб ёзади фаол. Унинг таъкидлашича, мурожаатларнинг аксариятида айнан шу сўз бот-бот такрорланмоқда. Аҳоли лойиҳалар ҳақида етарли маълумотга эга эмаслигидан шикоят қилмоқда.
Брокович маълумотлар марказлари ёки AI технологияларига бутунлай қарши эмаслигини, бироқ лойиҳаларнинг амалга оширилиш услубини танқид қилишини қўшимча қилди. У рухсатномалар олингандан кейингина эълон қилинадиган лойиҳалар, қўнғироқларга жавоб бермайдиган дастурчилар ва қўшнилар лойиҳадан хабар топмасидан олдин махфийлик келишувига (НДА) қўл қўядиган маҳаллий амалдорлар тизимига қарши чиқмоқда.
“Zamin”ни Telegram'да ўқинг!
