Geely холдингига тегишли Лйнк & Ко бренди Хитой бозорида ўзининг янги Лйнк & Ко 10 ва Лйнк & Ко 10+ седанларини расман тақдим этди. Базавий Лйнк & Ко 10 модели уч хил версияда таклиф этилмоқда ва унинг нархи 170 мингдан 192 минг юангача белгиланган. Кучлироқ Лйнк & Ко 10+ версияси эса икки хил комплектацияда, мос равишда 220 минг ва 236 минг юан (тахминан 31-33 минг доллар) нархда сотувга чиқди. Бу ҳақда Ixbt.com хабар беради.
Янги автомобилларнинг ўлчамлари 5050 × 1966 × 1468 мм ни, ғилдирак базаси эса 3005 мм ни ташкил этади. Капот остида 66 литрли қўшимча юкхона мавжуд. Лйнк & Ко 10+ модели агрессив ташқи кўриниш ва 109,1 кг қўшимча босим кучини ҳосил қилувчи карбонли споилер билан жиҳозланган. Шунингдек, харидорларга имтиёзли кредитлар ва траде-ин бонуслари ҳам таклиф этилмоқда.
Салонда 12,7 дюймли рақамли асбоблар панели, 25,6 дюймли проэксион экран ҳамда Snapdragon 8295 чипида ишловчи 15,4 дюймли Флйме Ауто 2 мультимедиа тизими ўрнатилган. Автомобил 23 та динамикли 1600 ваттли аудиотизим ва Қианли Ҳаоҳан автоном бошқарув тизими билан таъминланган. Юқори версияларда янада илғор Ҳ7 тизими қўлланилади.
Техник кўрсаткичларга кўра, Лйнк & Ко 10 битта 503 от кучига эга мотор билан жиҳозланган ва бир қувватланишда 816 км йўл босади. Лйнк & Ко 10+ эса 924 от кучига эга икки моторли тизимга эга бўлиб, 100 км/соат тезликка атиги 3,2 сонияда эришади. Унинг масофавий захираси 536 км ни ташкил қилади. Барча версиялар адаптив амортизаторли мустақил осма билан жиҳозланган.
“Zamin”ни Telegram'да ўқинг!
