Бундеслига 23-турида турнир жадвалининг пастки қисмида қолиб кетган «Хайденхайм» ўз майдонида «Штутгарт»га муносиб қаршилик кўрсатди ва уч очколик ўйин ниҳоят 3:3 ҳисобида якунланди. Бу ҳақда euro-football.ru хабар беради.
Учрашувнинг 5-дақиқасидаёқ меҳмонлар олдинга чиқиб олди: Крис Фюрих ҳимоячидан тўпни тортиб олиб, аниқ зарба билан ҳисобни очди. Биринчи бўлим ўрталарда Кристиан Контенинг зарбаси блокланди, орадан кўп ўтмай эса Эрен Динкчи гол уриб, мувозанатни тиклади. Кейин Эрмедин Демирович аутсайдер дарвозасини ишғол қилгандек бўлди, бироқ VAR кўриб чиқиши ортидан гол бекор қилинди — эпизоддан аввал Динкчига нисбатан бошқа жарима майдончасида қўполлик қайд этилди. Натижада Арижон Ибраҳимович пеналтни совуққонлик билан ижро этиб, «Хайденхайм»ни олдинга олиб чиқди (2:1). Бўлим якунида эса бошқа дарвозада ҳам пеналти тайинланди: Конте Чема Андресга қарши қўполлик қилди ва Максимилиан Миттельштедт 11 метрдан ҳисобни 2:2 га келтирди.
Иккинчи таймда ҳам баҳс кескин давом этди. 73-дақиқада Демировичнинг яна бир голи офсайд сабаб бекор қилинди. 82-дақиқада Сирлорд Конте «Хайденхайм»ни яна олдинга олиб чиқди (3:2), аммо «Штутгарт» тезда жавоб қайтарди: Николас Нартейнинг пасидан сўнг Дениз Ундав 88-дақиқада ҳисобни тенглаштирди — 3:3.
Дурангдан кейин «Штутгарт» жадвалда тўртинчи ўринни сақлаб қолди. «Хайденхайм» эса тўрт ўйинлик мағлубиятлар сериясини тўхтатган бўлса-да, барибир турнир жадвалининг энг қуйи қисмида қолмоқда.
“Zamin”ни Telegram'да ўқинг!
