Саудия Арабистонининг «Ал-Наср» клуби бош мураббий Жорже Жезуш билан ҳамкорликни давом эттириш ниятида. Манбаларга кўра, клуб раҳбарияти португалиялик мутахассисга 2027 йил ўрталаригача мўлжалланган янги келишув таклиф қилишга тайёр. Бу ҳақда euro-football.ru хабар беради.
Жамоа раҳбарияти мураббийнинг ишидан мамнун ва келаси мавсумда ҳам шу таркибда ишлашни истамоқда. Аввалроқ Жезушнинг келажаги Криштиану Роналду билан боғлиқ экани, агар ҳужумчи ёзда клубни тарк этса, мураббий ҳам кетиши мумкинлиги ҳақида хабарлар тарқалган эди. Бироқ Роналду яқинда «Ал-Наср»да қолиш ниятини билдирган.
Жезуш «Ал-Наср»ни ўтган йил июль ойида қабул қилиб олган. Ҳозирда жамоа чемпионат турнир жадвалида пешқадамлик қилмоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
