«Бавария» Фликни туғилган куни билан табриклади

Ханс-Дитер Флик ҳозирда «Барселона»ни Испания Ла Лигаси доирасида «Вильярреал»га қарши уй учрашувига тайёрламоқда. Сешанба куни немис мутахассиси 61 ёшни қарши олади. Бу ҳақда euro-football.ru хабар беради.
Шу муносабат билан «Бавария» ижтимоий тармоқларда Фликка табрик йўллади. Мюнхен клуби хабарида «Туғилган кунинг билан, Ханси», дейилади.
Флик 2019–2021 йилларда «Бавария» бош мураббийи бўлиб ишлаган. Унинг даврида жамоа икки марта Бундеслигада ғолиб чиққан, шунингдек Чемпионлар лигаси, Германия кубоги, Германия суперкубоги, УЕФА суперкубоги ва клублар ўртасидаги жаҳон чемпионати совринларини қўлга киритган.
Маълумот учун, «Барселона» «Вильярреал»ни февраль ойининг сўнгги кунида қабул қилади.
“Zamin”ни Telegram'да ўқинг!Ctrl
Enter
Хато топдингизми?
Иборани ажратиб Ctrl+Enter тугмасини босинг