«OpenAI» компанияси «GPT-5.5» интеллектуал моделини тақдим этди
OpenAI компанияси компьютерда ишлаш жараёнларини тубдан ўзгартиришга қодир бўлган янги ва энг ақлли GPT-5.5 моделини тақдим этди. Ушбу модель мураккаб вазифаларни мустақил режалаштириш, код ёзиш ва маълумотларни таҳлил қилишда юқори аниқлик ҳамда самарадорликни намойиш этмоқда. Янги авлод интеллекти аввалги версияларга нисбатан камроқ ресурс сарфлаган ҳолда сифатли натижа беради ва ҳозирда ChatGPT’нинг пуллик обуначилари учун фойдаланишга очиқ.
OpenAI компанияси ўзининг энг ақлли ва интуитив модели — GPT-5.5 версиясини эълон қилди. Ушбу янги авлод сунъий интеллекти компьютерда ишлаш услубини тубдан ўзгартиришга қаратилган. Модель код ёзиш, онлайн тадқиқот ўтказиш, маълумотларни таҳлил қилиш ва ҳужжатлар билан ишлашда юқори самарадорлик кўрсатмоқда. Бу ҳақда Openai.com хабар беради.
GPT-5.5 мураккаб ва кўп босқичли вазифаларни мустақил режалаштириш ҳамда бажариш қобилиятига эга. У Терминал-Бенч 2.0 тестида 82,7 фоиз, SWE-Бенч Pro синовида эса 58,6 фоиз аниқлик қайд этди. Бу кўрсаткичлар моделнинг дастурлаш соҳасидаги муаммоларни ҳал қилишда аввалги версиялардан сезиларли даражада устунлигини исботлайди.
Янги модель GPT-5.4 билан бир хил тезликда ишласа-да, камроқ токен сарфлаган ҳолда юқори сифатли натижа беради. Ҳозирда GPT-5.5 "ChatGPT"нинг Plus, Pro ва бизнес фойдаланувчилари учун очиқ. Тез орада моделнинг API версияси ҳам тақдим этилиши кутилмоқда.
Изоҳлар 0
…