Стоунз "Манчестер Сити"ни тарк этиши мумкин: Италия вариантлари бор...
«Манчестер Сити» ҳимоячиси Жон Стоунз шартномаси якунлангани сабабли жорий мавсум охирида жамоани тарк этиши кутилмоқда. Тажрибали футболчига Италиянинг «Ювентус» ва «Милан» клублари асосий даъвогар сифатида қаралмоқда. Туринликлар унинг маҳоратини қадрласа-да, тез-тез жароҳат олиши трансфер борасида маълум иккиланишларни келтириб чиқармоқда. Деярли ўн йил давомида «шаҳарликлар» шарафини ҳимоя қилган Стоунзнинг кейинги манзили ёзги трансфер ойнасида аниқ бўлади.
"Манчестер Сити" ҳимоячиси Жон Стоунз жорий мавсум якунлангач клубни тарк этиши эҳтимол қилинмоқда. Унинг амалдаги шартномаси июнь ойи охирида тугайди ва клуб раҳбарияти келишувни узайтириш режасида эмас.
Маълумотларга кўра, англиялик футболчи бир неча Европа клублари эътиборига тушган. Инсайдер Фабрицио Романо хабар беришича, Стоунз хизматлари Италиянинг бир қатор топ жамоаларига таклиф қилинган.
Шулар орасида энг асосий номзодлардан бири "Ювентус" ҳисобланади. Турин клуби унинг тажрибаси ва майдондаги универсаллигига юқори баҳо бермоқда, лекин тез-тез учрайдиган жароҳатлар масалада иккиланиш уйғотмоқда.
Яна бир вариант сифатида "Милан" жамоаси тилга олинмоқда. Италия гранди ҳимоя чизиғини кучайтириш учун тажрибали марказий ҳимоячи изламоқда.
Стоунз “Сити” сафида ўн йилга яқин вақт ўтказди ва жамоанинг муҳим қисмларидан бирига айланди. Энди эса у фаолиятининг янги босқичи олдида турибди.
Ҳозирги вазиятда асосий савол битта: у Англияда қоладими ёки Италияда янги синовни танлайдими — буни ёзги трансфер ойнаси ҳал қилади.
Изоҳлар 0
…