"Ал-Наср" бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлаб берди. Бу ҳақда euro-football.ru хабар беради.
Чоршанба куни Ар-Риёд клуби ОФК Чемпионлар лигаси доирасида "Аркадаг"га қарши баҳс олиб боради. Португалиялик юлдуз ҳужумчининг тез орада жамоага қайтиши кутилаётганди, бироқ бу сафарги ўйинда у яна қайдномадан жой олмайди.
Жезушнинг айтишича, Роналду ва асосий таркибдаги яна бир қанча футболчига зич тақвим сабабли дам беришга қарор қилинган. Мураббий бунинг ортида шанба куни бўлиб ўтадиган "Ал-Фатех"га қарши муҳим учрашув турганини таъкидлади.
Шунингдек, мутахассис Роналду Саудия Арабистонидан ташқарида ўтадиган ўйинларни ўтказиб юбориши янгилик эмаслигини эслатди. Al Nassr Zone манбаси Жезушнинг шу фикрларини келтирди.
Саудия чемпионати доирасидаги "Ал-Фатех" – "Ал-Наср" ўйини 14-феврал, шанба куни бўлиб ўтади.
“Zamin”ни Telegram'да ўқинг!
