«Галатасарой» ҳужумчиси Мауро Икардининг агентлари футболчининг клубдаги кейинги режаларини муҳокама қилиш учун раҳбарият билан учрашув ўтказишни режалаштирмоқда. Бу ҳақда euro-football.ru хабар беради.
Инсайдер Николо Скира хабарига кўра, томонлар учрашуви апрель ойида Истанбул клуби раҳбарияти билан бўлиб ўтади.
Шу билан бирга, 33 ёшли аргентиналик форвардга қизиқиш билдираётган жамоалар ҳам бор: улар Икардини эркин агент сифатида шартнома таклиф қилиб, ўз сафига қўшиб олишга тайёр.
Икардининг «Галатасарой» билан амалдаги битими 2026 йил 30 июнгача мўлжалланган. Футболчининг бозор баҳоси 6 миллион еврога тенг.
2025/2026 йилги мавсумда Икарди 36 ўйинда майдонга тушиб, 15 та гол урди ва 2 та голли пас берди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
