«Ман Сити» жамоасининг асосий ярим ҳимоячиси Родри Англия Премьер-лигаси доирасида «Арсенал»га қарши кечган баҳсда жароҳат олди. Футболчи учрашувнинг биринчи бўлимида чов қисмидаги оғриқлар сабабли майдонни тарк этишга мажбур бўлди. Бу ҳақда Goal.com хабар беради.
Ушбу баҳс 2:1 ҳисобида «шаҳарликлар» фойдасига ҳал бўлган бўлса-да, етакчи ўйинчининг сафдан чиқиши ғалаба қувончига соя солди. Родри жамоанинг ўйин тизимида энг муҳим бўғинлардан бири ҳисобланади.
Бош мураббий Пеп Гвардиола ўйиндан сўнг берган интервьюсида футболчининг ҳолати борасида аниқ маълумот йўқлигини билдирди. Клуб шифокорлари ҳозирда тиббий текширув натижаларини кутмоқда.
Испаниялик ярим ҳимоячининг сафдан чиқиши чемпионлик пойгасидаги кучлар нисбатига жиддий таъсир кўрсатиши мумкин. Яқин кунларда унинг қанча муддатга сафдан чиққани маълум бўлади.
“Zamin”ни Telegram'да ўқинг! 
