Huawei компанияси ўзининг янги MateBook 14 HarmonyOS Эдитион ноутбугини Хитой бозорида сотувга чиқарди. Қурилма Пура 90 сериясидаги флагман смартфонлар билан бир вақтда тақдим этилган эди. Бу ҳақда Ixbt.com хабар беради.
Ҳозирда янги модель ВМалл бренд дўконларида ва hamkor тармоқларда сотилмоқда.
Ноутбук 14,2 дюймли OLED экран билан жиҳозланган бўлиб, у 2.8К аниқлик ва 120 Гтс янгиланиш частотасини қўллаб-қувватлайди. Дисплейнинг максимал ёрқинлиги 600 нитга етади.
Шунингдек, кўзни чарчатмайдиган ва қуёш нурида аксланишни камайтирадиган PaperMatte қопламали махсус версияси ҳам таклиф этилмоқда.
Қурилма асосини Kirin X90 процессори ва сунъий интеллект функцияларига эга HarmonyOS 6.1 операцион тизими ташкил этади. Ноутбук 32 GB гача тезкор хотира ва 1 TB гача доимий хотира билан таъминланган.
Икки вентиляторли совутиш тизими ва 70 Вт/соат қувватли аккумулятор қурилманинг 21 соат давомида видео ижро этишига имкон беради.
Янги модель Wi-Fi 7, Bluetooth 6.0 ва NearLink технологияларини қўллаб-қувватлайди. MateBook 14 бир нечта рангларда, жумладан кулранг ва пушти вариантларда ишлаб чиқарилмоқда.
Қурилманинг бошланғич нархи 970 доллар этиб белгиланган.
“Zamin”ни Telegram'да ўқинг!
