Клиник психолог ва тадқиқотчи Деррик Халлнинг таъкидлашича, одамлар чатботлардан фойдаланишга асосий сабаб — улар орқали психологик кўмак олиш имконининг осонлиги. RollingStone ёзишича, сунъий интеллектга асосланган “виртуал психотерапевт” билан мулоқот қилиш жонли мутахассис билан учрашувга боришдан кўра арзон, тез ва қулай ҳисобланади.
Психолог фикрига кўра, чатботлар инсоний эҳтиёжларга мос равишда эмпатик жавоб бера олади, бу эса одамларга эшитгиси келган гапларни бериш имконини яратади. Шу билан бирга, кўпчилик беморлар шахсий муаммоларини одамлар билан эмас, электрон ҳамсуҳбат билан баҳам кўришга мойил. Чатботлар куну-тун ёрдам беришга тайёр, уларга йиллик обуна нархи эса ҳақиқий мутахассисга бир марта ташриф нархига тўғри келади.
Бироқ, Халлнинг таъкидлашича, сунъий интеллектдан узоқ ва қаттиқ фойдаланиш инсонни реал ҳаётдан узоқлаштириши мумкин. Бунинг сабаби — AI одамларнинг аниқликка бўлган эҳтиёжидан самарали фойдаланишидир.
Мутахассис фикрича, чатботлар ижобий ва салбий жиҳатларга эга. Шу боис технологияни инсон иштирокига тўлиқ алмаштирувчи эмас, балки ёрдамчи восита сифатида кўриш зарур.
«Замин»ни Telegram’да ўқинг!
