Samsung компанияси ҳали Galaxy А27 моделини расман тақдим этмаган бўлса-да, қурилма Samsung Бразил сайтидаги Samsung Wаллет иловаси билан мос келувчи смартфонлар рўйхатида пайдо бўлди. Бу ҳолат компания янги моделни бозорга чиқаришга тайёргарлик кўраётганини амалда тасдиқлайди. Бу ҳақда Ixbt.com хабар беради.
Сизиб чиққан маълумотларга кўра, Galaxy А27 6,7 дюймли Инфинитй-О дисплей билан жиҳозланади. Бу Galaxy А26 моделидаги Инфинитй-У (томчисимон кесик) экранига нисбатан сезиларли янгиланиш ҳисобланади. Смартфоннинг ўлчамлари 162,3 × 78,6 × 7,9 мм ни ташкил этади.
Қурилма Snapdragon 6 Ген 3 процессори негизида ишлайди. Асосий камера блоки 50, 8 ва 2 мегапикселли сенсорлардан иборат бўлса, селфи учун 12 мегапикселли олд камера ўрнатилади. Шунингдек, смартфон 5000 мА/соат сиғимли аккумулятор ва 25 ваттли тезкор қувватлаш технологиясини қўллаб-қувватлайди.
Дастурий таъминот борасида янги модел Android 16 операцион тизими ва Оне УИ 8.5 қобиғи билан тақдим этилиши кутилмоқда. Samsung ушбу смартфон учун 6 йил давомида янгиланишлар тақдим этишни ваъда қилмоқда. Ҳозирча қурилманинг расмий тақдимот санаси маълум қилинмаган.
“Zamin”ни Telegram'да ўқинг!
