OpenAI асосчиларидан бири ва президенти Грег Броcкман Илон Маскнинг компанияга қарши суд ишида асосий гувоҳ сифатида иштирок этиб, дастлабки йиллардаги зиддиятлар ҳақида батафсил маълумот берди. Унинг сўзларига кўра, Маск компания устидан тўлиқ назорат ўрната олмаганидан қаттиқ ғазабда бўлган. Бу ҳақда Ixbt.com хабар беради.
Броcкман 2017-йил август ойида бўлиб ўтган муҳим учрашувни эслади. Унда OpenAI раҳбарияти компаниянинг акциядорлик капитали тузилмаси ва тижорий фаолиятга ўтиш масаласини муҳокама қилган. Маск ўзининг бой бизнес тажрибасига таяниб, компания ривожланиш йўналишини белгилаш учун назорат пакетини талаб қилган.
Акция тақсимоти бўйича баҳс қизиган паллада вазият кескинлашган. Броcкман ўша пайтда Маскнинг ғазабидан қўрққанини ва ҳатто у ўзини уриб қўйиши мумкинлигини ўйлаганини тан олди. Натижада Маск муаммо ҳал этилмагунча OpenAI'ни молиялаштиришни тўхтатишини эълон қилган.
Суд жараёнида Илон Маск OpenAI'ни ўзининг «фарзанди» деб атади. У компания ғояси, номи ва дастлабки молиялаштириш унга тегишли эканлигини таъкидлаб, ташкилотни айнан нотижорат мақсадларда асос солганини, бироқ кейинчалик компания йўналиши ўзгариб кетганини даъво қилди.
“Zamin”ни Telegram'да ўқинг!
