Ленинград вилояти Тергов қўмитаси ўзига хос фирибгарлик ҳолати бўйича жиноят иши судга оширилганини маълум қилди. 16 ёшли ўсмир қимматбаҳо видеокарталарни қўлга киритиш мақсадида буюртма бериш пунктини (Пвз) сотиб олишга қарор қилган. Бу ҳақда Ixbt.com хабар беради.
Тергов маълумотларига кўра, ўсмир Сертолово шаҳрида жойлашган буюртма пунктини якка тартибдаги тадбиркордан расман сотиб олган. Шундан сўнг, у номаълум шахслар номига очилган аккаунтлар орқали умумий қиймати 1 миллион рублга тенг бўлган видеокарталарга буюртма берган.
Ўсмир буюртма учун тўловни амалга оширмаган, бироқ товарларни қабул қилиб олиш манзили сифатида айнан ўзи сотиб олган пунктни кўрсатган. Товар пунктга етиб келгач, у видеокарталарни яширинча олиб чиқиб кетган ва уларни ўз хоҳишига кўра тасарруф этган.
Ҳозирда ушбу ғайриоддий жиноят иши суд муҳокамасига юборилган. Вояга етмаган шахсга нисбатан фирибгарлик айблови илгари сурилмоқда.
“Zamin”ни Telegram'да ўқинг!
