Халқаро астрофизиклар гуруҳи Эинстеин Proбе миссияси доирасида 2025-йил 16-апрелда қайд этилган ноёб ЭП250416а гамма-нурланиш чақнашини ўрганиб чиқди. Тахминан 6,4 миллиард парсек масофадаги галактикада юз берган улкан юлдуз коллапси натижасида юзага келган бу ҳодиса «қоронғу гамма-чақнаши» деб таснифланди. У рентген ва гамма диапазонларида кучли энергия чиқарган бўлса-да, оптик телескоплар учун деярли кўринмас бўлиб қолди. Бу ҳақда Ixbt.com хабар беради.
Таҳлиллар шуни кўрсатдики, галактикадаги ўта юқори чанг концентрацияси кўринадиган ёруғликни юзлаб марта сусайтириб, коинотдаги энг зич «тутун пардаларидан» бирини ҳосил қилган. Тадқиқотда А. Ф. Иоффе номидаги Физика-техника институти мутахассислари ҳам иштирок этиб, аниқ гамма-спектроскопия ёрдамида портлаш табиатини тасдиқлашди. Эинстеин Proбе ва Чилидаги Gemini Соутҳ телескопи ёрдамида олимлар «жет синиши» деб аталувчи камёб ҳодисани кузатишга муваффақ бўлишди.
Ўн еттинчи кунга келиб аниқланган бу эффект портлаш геометриясини ҳисоблаш имконини берди. Маълум бўлишича, ЭП250416а одатдагидан фарқли ўлароқ, 10 даражадан ортиқ кенгликдаги нурланиш конусига эга бўлган. Бу портлашнинг кинетик энергияси дастлаб тахмин қилинганидан анча юқори эканлигини англатади.
Монте-Карло алгоритмлари ёрдамида ўтказилган моделлаштириш портлашнинг «марказий двигатели» — янги туғилган қора туйнук ёки магнетар — коллапсдан кейин яна 8 соат давомида зарба тўлқинини энергия билан таъминлаб турганини кўрсатди. Ушбу кашфиёт юлдузлар эволюциясини тушунишда муҳим қадам бўлиб, Эинстеин Proбе миссиясининг чанг булутлари ортидаги яширин космик ҳодисаларни ўрганишдаги самарадорлигини исботлади.
“Zamin”ни Telegram'да ўқинг!
