Apple компанияси iPhone 18 Про ва iPhone 18 Pro Max моделлари учун ОЛEД-панелларни тасдиқлаш жараёнини шу ойда якунлашни режалаштирмоқда. Тҳе Элек нашри хабарига кўра, экран етказиб берувчилар сифатида Samsung Дисплай ва ЛГ Дисплай асосий ҳамкорлар бўлиб қолади. Бу ҳақда Ixbt.com хабар беради.
Хитойнинг БОE компанияси iPhone 17 Про линияси учун буюртмаларнинг бир қисмини олган бўлса-да, янги авлод смартфонлари учун шартномадан маҳрум бўлиши мумкин. Манбаларга кўра, компания ЛТПО+ технологияси асосида экранлар ишлаб чиқаришда сифат муаммолари ва яроқли маҳсулотлар ҳажмининг пастлиги билан тўқнаш келган.
ЛТПО+ технологияси iPhone 18 Про сериясининг асосий янгиликларидан бири бўлади. Ушбу технология жорий iPhone 17 моделларида қўлланиладиган оддий ЛТПО-дисплейларга қараганда юқори энергия самарадорлигини таъминлайди. Apple ОЛEД-панелларни аниқроқ бошқариш орқали смартфонларнинг қувват сарфини камайтириш ва автономликни оширишни мақсад қилган.
Шунингдек, iPhone 18 Про янада ихчамроқ Дйнамик Исланд ва қайта ишланган олд камера қисмига эга бўлиши кутилмоқда. Инсайдерлар маълумотига кўра, Apple бозор стратегиясини ҳисобга олган ҳолда стандарт iPhone 18 моделини чиқаришни олдиндан режалаштирган.
“Zamin”ни Telegram'да ўқинг!
