Бавария ярим ҳимоячиси Конрад Лаимер билан шартномани узайтириш борасидаги музокаралар жиддий тўсиққа дуч келди. Мюнхен клуби спорт директори Макс Эберл томонлар ўртасидаги молиявий қарашлар мос келмаётганини ва келишув жараёни ҳозирча тўхтаб қолганини тан олди. Бу ҳақда Goal.com хабар беради.
Австриялик футболчи жамоанинг муҳим бўғинларидан бири ҳисобланади, бироқ унинг маош борасидаги талаблари клуб раҳбариятини қониқтирмаяпти. Хабарларга кўра, Лаимер йиллик маошини 15 миллион еврогача оширишни истамоқда, Бавария эса бундай катта харажатларга тайёр эмас.
Клубнинг фахрий президенти Ули Хёнес вазиятга кескин муносабат билдириб, ҳеч бир футболчи клубнинг молиявий тизимидан устун эмаслигини таъкидлади. У Лаимернинг меҳнаткашлигини юқори баҳоласа-да, футболчи Марадона эмаслигини ва маош борасида белгиланган лимитларга риоя қилиши кераклигини эслатиб ўтди.
Макс Эберл эса музокаралар профессионал руҳда давом этаётганини ва томонлар ўртасида ҳеч қандай келишмовчилик йўқлигини қўшимча қилди. Ҳозирги вазифаси — футболчининг талаблари ва клубнинг имкониятлари ўртасидаги тафовутни бартараф этишдан иборат.
“Zamin”ни Telegram'да ўқинг!
