Qirg'iziston guruchi eksporti 8 barobar oshdi

Qirg'iziston joriy yilning yanvar-avgust oylarida O'zbekistonga 678 tonna guruch yetkazib berdi. Bu o'tgan yilga nisbatan 8 barobar ko'pdir.

Moliyaviy ifodada esa eksport hajmi 78 ming dollardan 388 ming dollarga ko'tarilgan. Umuman olganda, Qirg'iziston 1 ming tonnadan ortiq guruchni jami 715 ming dollarga eksport qilgan.

Sentabr boshiga kelib, O'zbekiston Qirg'iziston guruchining asosiy xaridori bo'lib qolmoqda. Undan keyingi o'rinlarda Turkiya (308 tonna) va Rossiya (17 tonna) joylashgan.

O'zbekiston Milliy statistika qo'mitasi ma'lumotlariga ko'ra, joriy yilning sakkiz oyida O'zbekiston va Qirg'iziston o'rtasidagi savdo aylanmasi 597 million dollarga yetgan. Qirg'iziston Toshkentning asosiy savdo sheriklari ro'yxatida 20-o'rinda turadi.

Umuman olganda, 2023 yilning sentabr boshiga kelib, O'zbekiston xorijdan jami 2,6 milliard dollarlik oziq-ovqat mahsulotlari sotib olgan. Shundan 609 million dollari don mahsulotlariga to'g'ri kelgan bo'lib, yil davomida bu ko'rsatkich 6,2 foizga o'sgan.

“Zamin”ni Telegramʻda oʻqing!