Osiyo fond bozorlarida 25 noyabr kuni AQSH Federal Rezerv tizimining (FRS) dekabr oyida foiz stavkasini pasaytirishi kutilyotgani sababli ijobiy o‘sish kuzatildi, deb xabar bermoqda Reuters. Bundan tashqari, investorlar global texnologiya kompaniyalari aksiyalariga sarmoya kiritishni davom ettirmoqda, bu sohadagi haddan tashqari qizib ketish xavotirlariga qaramasdan.
Natijada MSCI indeksi 0,75 foizga o‘sdi va o‘tgan hafta 4 foizga tushgan ko‘rsatkichni qisman tikladi. Nikkei indeksi biroz o‘sib, 0,1 foizga ko‘tarildi, Gonkongning Hang Seng indeksi 0,6 foizga o‘sdi, Xitoyning CSI300 indeksi esa 1,1 foizga ko‘tarildi.
Shu bilan birga, Yevropa fyucherslari 0,2 foizga pasaydi, deb qayd etdi Reuters. Chikago tovar birjasi (CME) tomonidan taqdim etilgan FedWatch ma’lumotlariga ko‘ra, AQSHda foiz stavkasining 25 bazis punktga pasayishi ehtimoli 85,1 foizni tashkil qilmoqda. Bu ko‘rsatkich bir hafta avval 42,4 foiz edi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
