Eronning so‘nggi shohining o‘g‘li, shahzoda Rizo Pahlaviy, mamlakat aholisini umummilliy ish tashlashlar o‘tkazishga va norozilik namoyishchilarining shaharlarni egallashda yordam berishga chaqirdi. Uning ta’kidlashicha, maqsad nafaqat ko‘chalarga chiqish, balki shaharlarni egallash va ularni himoya qilish uchun tayyorgarlik ko‘rishdir.
Shahzoda murojaatida shunday dedi: «Biz ko‘chalarda faqat ish tashlash bilan cheklanmaymiz. Biz shaharlarni egallash, ularning markaziy hududlarida ommaviy odam to‘plash va turli aholi qatlamlarini birlashtirish orqali maqsadga yetishishimiz kerak».
Shuningdek, u harbiylardan «qatag‘on mashinasini» zaiflashtirish va «uni butunlay ishdan chiqarish» uchun xalq tarafiga o‘tishga chaqirdi. Shahzoda Rizo Pahlaviy inqilobning g‘alaba qilishi bilan vatanga qaytish va xalq bilan birga bo‘lishga tayyorgarlik ko‘rayotganini bildirdi.
Shahzoda shunday dedi: «Inqilobning g‘alaba qilgan kuni kelishiga ishonaman».
Eronda 2022 yil dekabr oyidan boshlangan norozilik namoyishlari butun mamlakat bo‘ylab keng tarqalmoqda. Politsiya minglab odamlarni qo‘lga olgani va 200dan ortiq inson halok bo‘lgani haqida xabarlar mavjud.
“Zamin”ni Telegramʻda oʻqing!
