Eron g‘arbida falokatga uchragan xususiy samolyot bortida turkiyalik tadbirkor Husayn Basharanning qizi va uning 7 nafar dugonasi bo‘lgan. Bu haqda DHA axborot agentligi xabariga tayanib Kun nashri xabar bermoqda.
Sozcu nashrining ta’kidlashicha, 28 yoshli Mina Basharan BAAdan qaytayotgan bo‘lgan. U Amirliklarda nikoh to‘yi arafasida dugonalari bilan “qiz bazmi” uyushtirgan. Ta’kidlanishicha, qiz 2013 yildan Başaran Holding direktorlar kengashi tarkibiga kirib kelgan, uni otasining o‘rnini egallash uchun tayyorlashayotgan bo‘lgan.
Samolyot Başaran Holding’ga qarashli Bombardier CL60 reaktiv samolyoti bo‘lgan. Hammasi bo‘lib falokat oqibatida 11 kishi halok bo‘lgan.
Samolyotning falokatga uchrashiga dvigatelining yonib ketishi sabab bo‘lgani taxmin qilinmoqda. Bu haqda Eronning favqulodda vaziyatlar boshqarmasi vakili Mo‘jtabu Xolidiy ma’lum qilgan.
“Samolyot dvigateli yonib ketishi sababli qulagan va mahalliy aholi qulayotgan samolyotni ko‘rgan”, deb aytdi Xolidiy.
Sharja-Istanbul yo‘nalishi bo‘yicha parvoz qilayotgan samolyot Chaxarmaxal va Baxtiyoriya viloyatidagi tog‘li hududga qulagan. Samolyot yerga urilgach yonib ketgan.
IRNA axborot agentligi ma’lumotlariga ko‘ra, voqea joyida chiqqan yong‘in hozircha o‘chirilmagan. Qutqaruvchilar brigadasi voqea joyiga yetib borgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Amerikalik olimlar barcha uchun birdek foydali jismoniy faollik turini aniqladi
Germaniyada maktab o‘quvchilari ommaviy ravishda islom dinini qabul qilmoqda
Zoir Mirzayev “Telefonsiz maktab”ga 300 mln so‘m mukofot berdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Rossiya dunyodagi birinchi vodorod yoqilg‘ili avtomobilni taqdim etdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
