10:30 / 24.05.2021
1 070

Hindistonda taniqli kurashchi qotillikda gumonlanib hibsga olindi

Hindistonda taniqli kurashchi qotillikda gumonlanib hibsga olindi

Foto: hdwalle.com
Hindistonda taniqli kurashchi, 2012 yilda Londonda o‘tgan Olimpiadada Hindiston terma jamoasining bayroqdori bo‘lgan Sushil Kumar qotillikda gumonlanib hibsga olindi.

38 yoshli erkin kurashchi stadiondagi mushtlashuv vaqtida boshqa bir kurashchi vafot etgandan keyin, 4 may kunidan qochoqlikda yurgan.

Sobiq jahon chempioni mushtlashuv ishtirokchilaridan biri, deb topilgan. Politsiya hattoki uning qayerda ekani haqidagi ma’lumotga 1,4 ming dollar va’da qilgan. Kumar G‘arbiy Dehlidagi Mundka qishlog‘ida hibsga olingan.

Kurashchi 2010 yilda 66 kggacha vazn toifasida jahon chempioni bo‘lgan. U, shuningdek, 2008 va 2012 yillardagi Olimpiadalarda mos ravishda bronza va kumush medallarini qo‘lga kiritgan.

Sportchi 2012 yilgi London Olimpiadasi ochilishi marosimida o‘z mamlakati terma jamoasining bayroqdori bo‘lgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Hindistonda taniqli kurashchi qotillikda gumonlanib hibsga olindi