Bir oila shahar markazidagi koʻp qavatli uylarning biriga koʻchib keldi. Yangi xonadon bekasi ertalab azonda uygʻonib, tashqariga boqdi. Qarasa, qoʻshni ayol yuvilgan kirlarini dorga yoyish bilan band.
– Yo tavba, anavi ayolning kirlari hecham “ochilmabdi”, chala yuvganmi, deyman, – dedi kinoya ohangida. Uning bu gaplarini eshitgan eri lom-mim demadi.
– Qoʻshnimning sovuni sifatli emasdir. Ehtimol, kir yuvishni bilmas. Unga kir yuvish qanaqa boʻlishini bir oʻrgatib qoʻysam boʻlarkan. Shu tariqa har safar haligi qoʻshni ayol dorga kir yoyganda, shu suhbat takrorlanaverdi, er esa beparvo. Ajib va munavvar kunlardan birida ayol deraza osha tashqariga boqdi-yu, beixtiyor qichqirib yubordi:
– Voy, mana qarang! Bugun u kirlarini top-toza qilib yuvibdi-ku. Birorta gʻubor koʻrinmaydi-ya! Nihoyat qoʻshnim kir yuvishni oʻrganib olibdi, qoyil!
– Yoʻgʻye, – deya sokinlik bilan javob beribdi eri, – men shunchaki barvaqtroq turib, deraza oynasini yuvib-tozalab qoʻydim, xolos...
Hayotda ham xuddi shunday! Hammasi atrofimizdagi voqea-hodisalarni koʻrsatib turgan oʻsha deraza oynasiga bogʻliq. Avvalo, birovlarni tahqirlash yoki ulardan biror ayb topishdan oldin oʻzimizning koʻngil oynamizga boqaylik. Dilimizni har qanday chang va gʻuborlardan tozalaylik. Qachonki, qalb oynamiz pokiza ekan, dunyo bizlar uchun shunchalik hikmatli koʻrinaveradi. Zero, illat izlaganga illatdur dunyo.
Manba: Azon.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Saudiya Arabistoni bilan yana qator sohalarda hamkorlik o‘rnatilishi kutilmoqda
Diniy qo‘mita: Turli vizalar bilan Haj amallarini bajarishning imkoni yo‘q
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Liga 1. PSJ muddatidan oldin chempionlikni hal qildi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
O‘zbekistonga qarshi Indoneziyaning asosiy hujumchilaridan biri maydonga tusha olmaydi
O‘zbekistonda yashirin iqtisodiyotga qarshi kurashish rejalari ishlab chiqildi