Eng yaxshi superfud: ismaloqning foydali xususiyatlari

^{Foto: Mykaleidoscope}
Ismaloq va boshqa ko‘katlardan barchamiz turli bahoriy taomlar tayyorlab ko‘rganmiz, ammo uning organizmga naqadar foydali superfud ekanligi haqida hech o‘ylab ko‘rganmisiz?

Ismaloq superfud yegulik sanaladi: u o‘zida ko‘pgina vitamin va minerallarni, antioksidantlarni saqlaydi. Unda yog‘ miqdorining juda ozligi sabab parhez tutuvchi ayollarni quvontiradi. Ismaloq foydali salat va smuzilar tayyorlash uchun ideal ko‘katdir.

Ismaloq lyutein, beta-karotin, violaksantin, kumarin va ferul kislotasi kabi antioksidantlarga boy. Lyutein ko‘z salomatligini ta’minlaydi, yosh o‘tib borishi bilan bog‘liq bo‘lgan ko‘zlar sarg‘ayishining oldini oladi. Zeaksantin esa ko‘rish qobiliyatini yaxshilaydi.

Bir stakan ismaloq sharbati A vitaminining bir kunlik qiymatining 63 foizini o‘zida saqlaydi. Mazkur vitamin ko‘zlar quruqlashmasligiga, infeksiyalar bilan kurashishga hamda yangi teri hujayralarning shakllanishiga yordam beradi.

^{Foto: Mykaleidoscope}
Bir stakan ismaloq sharbati C vitaminining kunlik qiymatining 38 foizini o‘z ichiga oladi. U teri hujayralarini oksidlovchi stress, yallig‘lanish va shikastlanishdan himoya qiladi. C vitamini terining elastikligini ta’minlaydigan kollagen ishlab chiqarishda, yoshlikni saqlab qolishda hamda jarohatlarning bitishida muhimdir.

Bundan tashqari, bir stakan ismaloq sharbati kaliy moddasi kunlik qiymatning 14 foizini o‘zida saqlaydi. U qon bosimini mo‘tadil bo‘lishiga yordam beradi. Ismaloq saraton hujayralarining o‘sishiga qarshi kurashuvchi vosita ham hisoblanadi.

Abu Ali ibn Sino o‘zining “Tib qonunlari” asarida ismaloqning foydali xususiyatlari haqida to‘xtalib o‘tgan:
Bunda yuvuvchi, tozalovchi quvvati bor. Safroni haydaydi. Ko‘pincha me’da uning qaynatmasini tusamaydi.

Ma’lumot uchun: 100 gramm yangi uzilgan ismaloqdan o‘rtacha 200 gramm sharbat chiqadi. “Zamin” yangiliklarini “Odnoklassniki”da kuzatib boring