111. Ko‘p bolali oilalar biror yerga dam olishga, sayohatga yoki boqqa aylanishga chiqib turganlari yaxshi. Chunki onalar yoshlari ulug‘ bo‘lganda, bolalarning shovqiniga toqat qilolmaydilar.
112. Farzandlar onalariga sovg‘a sifatida va onalari oldidagi burchlarining bir qismini ado qilish maqsadida mollaridan bir qismini ajratishlari munosibdir.
113. Farzandlardan har birining boshqalaridan ajralib turadigan alohida xususiyati bo‘ladi. Ularning orasida tirishqog‘i, to‘g‘ri fikr yuritadigani, quvnog‘i va boshqa shu kabilari bor. Har bir farzand o‘zi ega bo‘lgan xususiyat bilan onasiga yordam berishi va uni xursand qilishi kerak.
114. Kam uchrashish – yoqimli mehmon (mehmonga tez-tez borib turma – aziz bo‘lasan). Bu barcha holatga tegishli qoida, lekin ona va farzand orasidagi munosabat bunda mustasno. Ona bolasini ko‘rishdan hech malollanmaydi. Agar onangning qalbidagi muhabbat ziyodalashishini xohlasang, undan hech uzilib qolma.
115. Onangizga zamonaviy aloqa vositalaridan olib bering va undan foydalanishni o‘rgating. Undan bo‘ladigan xarajatlarni o‘z zimmangizga oling. Bu bilan onangizga va u zot bilan bog‘langan kishiga yaxshilik qilgan bo‘lasiz.
116. Agar onangizning mobil telefonlari bo‘lsa, u zot uchun eng go‘zal iboralarni tanlab, so‘ngra jo‘natishingiz yaxshi bo‘ladi. Bu onangizning qalbini ilitib, sizga yaqinligini ziyoda qiladi.
117. Agar onangizni yoshlari katta bo‘lsa, do‘stlariga sovg‘a ulashishda yordamlashishingiz mumkin. Onangiz do‘stlariga va tanishlariga sovg‘a qilishlari uchun bir nimalarni sotib oling va uni go‘zal tarzda g‘iloflang.
118. Agar farzandlar onalaridan hol-ahvol so‘rash uchun qo‘ng‘iroq qilishsa, gaplashishga shoshilmasliklari kerak. Balki oralaridagi muloqotni xotirjam olib borishlari, ularning gaplarini eshitishlari zarur. Biz onamiz bilan gaplashganimizda ularning ahvollarini so‘rashimiz, hayotimizdagi qiziq voqealardan aytib berishimiz, ishlarimiz joyida ekanini aytib, ularni xotirjam qilishimiz lozim. Bularning barchasini malollanmasdan, siqilmasdan va uzoq muloqotdan yoki vaqtning ozligidan sabrsizlanmasdan amalga oshirish darkor. Biz muloqotni onamiz o‘zlari yakunlamaguncha to‘xtatmasligimiz lozim.
119. Onamizning oldlarida so‘zlashish odoblariga rioya qilishimiz kerak. Ovozimizni ko‘tarmasligimiz yoki shivirlamasligimiz, bahslashmasligimiz, ular yomon ko‘radigan nasa haqida gapirmasligimiz lozim.
120. Safardan kelganingizda safar qilgan shahringizdan onangiz uchun sovg‘a olib, ularga taqdim qiling. Bu sovg‘a sizning safaringizni ularga eslatib turadi va qaytganingiz uchun bo‘lgan xursandchiliklarini ziyoda qiladi.
Davomi bor...
Sulaymon Soqir
"Onaga yaxshilik qilishning 150 yo‘li" kitobi
Abdulloh Rahimboyev tarjimasi
"Onaga yaxshilik qilishning 150 yo‘li" kitobi
Abdulloh Rahimboyev tarjimasi
Manba: Azon.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
